پشاور۔02 مئی (اے پی پی)وزیر اعظم عمران خان خمیس کوں مہم??د ڈیم ہائیڈرو پاور پراجیکٹ دا سنگ بنیاد رکھ ڈتا ‘ ڈیم توں800 میگا واٹ سستی بجلی، 1.2 ملین ای??ڑ فٹ پانڑیں ذخیرہ کرنڑ دی سہولت ملسی، منصوبہ ترائے ارب ڈالر دی لاگت نال پنج سال اچ مکمل کیتا ویسی، پشاورکوں 13.32 ملین کیوبیک میٹر پیونڑ دا صاف پانڑیں، پشاور ‘ چارسدہ ‘ نوشہرہ اتے بئے ضلع سیلاب توں محفوظ تھی ویسن ۔ سنگ بنیاد رکھنڑ دی تقریب اچ گورنر خیبر پختونخوا شاہ فرمان ‘ وزیر اعلیٰ محمودخان ‘ وفاقی وزیر دفاع پرویز خٹک ‘ چیف آف آرمی سٹاف جنرل قمر جاوید باجوہ ‘ سپریم کورٹ آف پاکستان دے سابق چیف جسٹس میاں ثاقب نثار ‘ وفاقی وزیر آبی وسائل فیصل واڈا ‘ وفاقی وزیر مذہبی امور پیر نورالحق قادری ‘سینیٹر فیصل جاوید ‘ رکن قومی اسمبلی ساجد خان ‘ پاکستان تحریک انصاف دے بئے رہنماواں اتے واپڈ ا حکام شرکت کیتی ۔ چیئر مین واپڈا اتے ڈیم دے پراجیکٹ ڈائریکٹر لیفٹیننٹ جنرل (ر)مزمل حسین وزیر اعظم کوں ڈیم دے حوال?? نال بریفنگ ڈیندے ہوئیں ڈسایا جو مکمل تھیونڑ دے مہم??د ڈیم توں سالانہ 2,862 گیگا واٹ بجلی ملنڑ د?? نال نال 12 لکھ ای??ڑ فیٹ پانڑیں ذخیرہ کرنڑ دی سہولت وی ملسی اتے ایندی مدد نال 17 ہزار ای??ڑ بنجر زمین زیر کاشت لاتی ونج جا سگسی ۔مہم??د ڈیم ضلع دریائے سوات تے چارسدہ اتے ضلع مہمند دے ادھ اچ بنرایا ویندا پئے،جیرھا جو پشاور توں 48 کلومیٹر دور ہے ۔وزیر اعظم کوں ڈسایا گیا جو مہم??د ڈیم توں صوبائی دارالحکومت کو ں13.32 ملین کیوبیک میٹر پیونڑ دا صاف پانڑیں ملسی ۔منصوبہ 183 ارب روپے دی لاگت نال پنج سال اچ مکمل تھیسی ‘ منصوبے تے کم شروع تھیونڑ نال روزگار دے مواقع ملنڑ د?? نال نال علاقے اچ غربت گھٹسی اتے ایند?? نال سالانہ 51 اعشاریہ چھ ارب روپے دا فائدہ تھیسی ، 213 میٹر بلند مہم??د ڈیم بنڑن نال سیلاب دے خطرات نال نبڑن اچ مدد ملسی جڈاں جو ڈیم دا آبی ذخیرہ دریائے سوات دے پانڑیں دی روانی کو ں معمول تے رکھنڑ سانگے مدد گار ثابت تھیسی،اتے دریا دا پانڑیں سیلابی شکل اختیار کائناں کریسی، بریفنگ اچ ڈسایا گیا جو ڈیم بنڑاونڑ سانگے 8675 ای??ڑ زمین خرید کیتی گئی ہے ،جڈاں جو پانی سٹور کرنڑ اتے ایریگیشن نیٹ ورک بنڑاونڑ سانگے 56کلو میٹر لمبا علاقہ ایندے علاوہ ہے۔
وزیر اعظم عمران خان مہمند ڈیم ہائیڈرو پاور پراجیکٹ دا سنگ بنیاد رکھ ڈتے
مضمون کا ماخذ : como jogar lotomania
متعلقہ مضامین
