اسلام آباد۔5مئی (اے پی پی) د اطلاعاتو او خپرونو وفاقي وزيرې مريم اورنګزېب د بهرني سازش په اړه د انكوائري كمېشن جوړېدو اعلان كولو سره وئيلي دي آزاد او خپلواكه كمېشن به د عمران خان د سازش بيانيې پلټنې كوي٬ عمران خان سره د بهرني سازش نه د ګوګي د بچ كولو غم دې ٬ د ده ټول تورونه د ګوګي بچاؤ تحريك برخه دي٬ عمران چې څه وخت خپلو اتحاديانو پرېښودلو نو ده ته سازش په نظر راغلو٬ دې سازشي ټولي قامي خزانه او توشه خانه لوټ كړه ٬ د سي پېك رفتار يۍ سست كړو٬ خارجه پالېسي يۍ خرڅه كړه او دوست هېوادونه يۍ خفه كړل٬ وزیراعظم شهباز شریف په ګرانۍ كښې كمي وكړه او په درې اونيو كښې چې يۍ كوم ګامونه پورته كړل هغه په تېرو 4 كلونو كښې نه دي پورته كړې شوې۔ د زيارت په ورڅ خبري كنفرنس ته خطاب كښی وفاقي وزيرې ووئيل وزیراعظم شهباز شریف د پاكستان اولس ته د ريليف وركولو هڅې كوي۔ دې ووئيل عمران خان د ګوګي بچاؤ تحريك وياند جوړ شوې دې او هغه د كرايې وياند كومو به چې ګوګي څخه لا تعلق ښكاره كوله نن سهر ماښام د هغې ترجماني كوي۔ دې ووئيل عمران خان په اپوزيشن د دروغو تورونه ولګول او د دروغو كېسونه يۍ جوړ كړل ٬ دوئي يۍ په زاندانونو كښې واچول او د ميډيا ژبه يۍ بنده كړه٬ تر څلورو كلونو ئې لوټ مار كولو سره قومي خزانې ته زيان ورسولو٬ په چينو ٬ ګاز او دوايانو كښې يۍ لوټ مار وكړو او اوس د بهرني سازش خبره تكرار كوي كوم چې په حقيقت كښې د ګوګي بچاؤ تحريك دے۔ دې ووئيل د بهر هېواد نه كوم سازش نه دې شوې۔ دې ووئيل په 7 تاريخ خط راغلې او په 28 م تاريخ كاغذ ښودلې شي ٬ چا چې بهر هېواد كښې سازش كولو هغه په 16 مارچ اېمبسۍ ته د يو مهم مقرر په حېث رابللې شي۔ دې ووئيل د فرخ ګوګي بچ كولو لپاره هغه د بهرني سازش تماشا ولګوله۔ دې ووئيل اوس به دا تماشا نه چېلېږي۔ دې ووئيل عمران خان د هېواد معيشت ته زيان ورسولو۔ دې ووئيل حكومت د بهرني سازش تور په اړه د يو بې پرې او آزاد انكوائي كمېشن جوړولو پرېكړه كړې ده كوم به چې انکوائری پاکستاني اولس ته وړاندې كړي۔ دې ووئيل هېواد ته زيان رسونكي به قانون سره مخامخ كولې شي۔ دې ووئيل كابينې څخه منظورېدو نه وروستو به د دې كمېشن مشر ټاكلې شي كوم ته به چې څوګ ګوته نيولې نه شي۔ دې ووئيل انكوائري رپورټ به پاكستاني اولس ته وړاندې كولې شي۔ دې ووئيل دا سازش ځكه تكرارولې شي چې د كال 2018ء نه تر 2022ء په 44 بېنک اکاؤنټس كښې د 84 کروړه 70 لکه روپو درك لګولې شوې دې٬ تر ټولو زيات اكاؤنټس په پنجاب كښې د فرخ ګوګي په نوم پرانستلې شوي دي٬ 19 ګاډي او په ګوجرانواله او رنګ روډ د 200 كناله زمكې اخستل خرڅول شوي۔ دې ووئيل انكوائري رپورټ به پاكستاني اولس ته وړاندې كولې شي۔ دې د سي اېن اېن د 21 اكتوبر 2021ﺀ د يو رپورټ حواله وركولو سره ووئيل د دغه رپورټ له مخې د پاكستان او امريكا ترمينځه د ايئر سپېس كارولو لوظنامه پايې ته ورسېده ٬ دغه وخت د دې ډلې حكومت وو ٬ شيريں مزاري او فواد چوهدري د خپل دور رپورټ ټويټ كولو سره وائي چې مونږ به شهباز شريف د داسې لوظنامو لاس ليك كېدو ته نه پرېږدؤ۔ دې ووئيل اول عمران خان په خپل دور كښې چيني اېكسپورټ كړل او بيا يۍ امپورټ كړل او بيا يۍ د چينو نرخ د كلو په سر 120 روپۍ مقرر كړو۔ دې سره هغه يوې مخصوصې مافيا ته ګټه ورسوله۔ دې ووئيل په تېر دور كښې 27 پاور پلانټس بند وو٬ كله چې يو جمهوري وزيراعظم خپلې ذمه وارۍ ترلاسه كړې نو هغه دغه 27 پاور پلانټس بحال كړل۔ دې ووئيل عمران خان اولس لوټ كړل ٬ 60 لکه كسان يۍ بې روزګاره كړل ٬ دوه كروړه اولس يۍ د بې وزلۍ لاندې ژوند كولو پلو ټېله كړل۔ دې ووئيل د عمران خان په دور كښې بند كړې شوې منصوبې نن بيا پرانستلې شي ٬ اسلام آباد مېټرو منصوبه د څلورو كالو نه بنده پاتې شوې وه او اوس ددې بحالېدو سره خلكو ته آساني ترلاسه شوې ده۔ دې ووئيل مسلم ليګ نون په خپل 5 كلن دور كښې د چينو قيمت نه دې زيات كړې٬ د كال 2013ء نه تر كال 2018ء د چنيو بيعه د كلو په سر 52 روپۍ پاتې شوې وه۔ دې ووئيل زمونږ ترجيح اولس ته آسانۍ وركول وو او د تېرو 4 كلونو په مهال حكومت بېل څيزونه ګرانولو سره اولس په دواړه لاسه لوټ كړو۔ دې ووئيل نن دا ډله وايي معيشت نه چلېږي ٬ كه نه چلېږي نو ددې ذمه وار عمران خان دې۔ دې ووئيل په كال 2021ء د عمران خان د بې نومه فرح ګوګی کرپشن، کارټلز او مافیاز د لاسه کرپشن پرسېپشن انډېکس 33 څخه 28 او رینک 117 څخه 140 شو۔ دې ووئيل دې خلكو اولس ته د يو كروړ نوكرو وركولو او د 50 لكه كورونو جوړولو دروغ ووئيل۔ دې ووئيل كه په بني ګاله كښی كور ريګولرائز كېدې شي نو اولس ته 50 لكه كورونه وركولې كېدې نه شي۔ دې ووئيل دا مهال هېواد كښی يو داسې حكومت دې كوم چې آزادۍ سره د رايې په څرګندونه باور لري او د دې حق لپاره ميډيا سره ولاړ دې۔ د يوې پوښتنې په ځواب كښې دې ووئيل هغه ټول څيزونه كومو چې اولس ته زيان رسولې دې هغه به ټول اولس ته وړاندې كولې شي۔ د يوېب بلې پوښتنې په ځواب كښې وفاقي وزيرې مريم اورنګزېب ووئيل د انتخابی اصلاحات پارلیمانی کمېټی لپاره د قومي اسمبلۍ سپيكر ټولو ګوندونو څخه نامې غوښتلې دي ٬ د اختر د رخصتيو نه وروستو به د دې نامو پراسېس بشپړ كولې شي۔ تر جمعې ورځې د دې ډېډ لائن دې٬ دې نه وروستو به د انتخابي اصلاحاتو پارليماني كمېټي خپل كار پېل كړي۔ د يوې بلې پوښتنې په ځواب كښې دې ووئيل عمران خان به كمېشن نه مني ٬ هغه يوازې هغه كمېشن مني كوم چې فرح ګوګي بچ كړې شي۔
د بهرني سازش په اړه د انكوائري كمېشن جوړولو اعلان ٬ آزاد او خپلواكه كمېشن به د عمران خان د سازش بيانيې پلټنې كوي٬ عمران خان سره د بهرني سازش نه د ګوګي د بچ كولو غم دې٬ مريم اورنګزېب
مضمون کا ماخذ : اولمپس کے خدا
متعلقہ مضامین
