اسلام آباد۔17اپرېل(اے پی پی) وزيراعظم محمد شهباز شريف وئيلي دي د ديامر بھاشا ډېم ترسره كېدو سره به د ارزانې برېښنا سره سره د كركيلې پېداوار هم سوا شي٬ دا منصوبه په سباؤن كښې د پاكستان معيشت لپاره ډېره مهمه ده۔ وزيراعظم دا خبره د اتوار په ورځ د دیامیر بھاشا ډېم په تعميراتي سائيټ د بريفنګ نه وروستو خپل خطاب كښې وكړه۔ وزیراعظم ووئيل د 4500 مېګاواټ برېښنا پېداوار منصوبه د هېواد معيشت لپاره ډېره مهمه ده۔ وزيراعظم په دې خبره زور راوړو چې دا منصوبه دې د خپلې ټاكلې مودې كال 2029 نه وړاندې ترسره كړې شي۔ ده ووئيل كه دا په كال 2026-27 كښې ترسره شي نو دا به يو كرامت وي۔ ده ووئيل په دې دنيا كښې هېڅ كار ناممكنه نه دې ٬ كه مونږ د يو والي څرګندونه وكړؤ نو دا هدف ترلاسه كېدې شي۔ ده ووئيل ماته په دې خوشحالي شوې چې پخواني وزيراعظم محمد نواز شريف په كال 2016 كښې په دې منصوبه كار پېل كړو او د مسلم ليګ نون حكومت د زمكې اخستو لپاره فنډز وركړل۔ وزيراعظم په دې موقعه د 13 کلومیټره اوږد بابو سر ټاپ ټنل جوړولو منصوبې اعلان هم وكړو دغسې چې د كال 12 مياشتې د مانسهرې او چلاس ترمينځه ټرېفك روان وساتلې شي۔ وزيراعظم په دې لړ كښې چارواكو ته د بشپړ راپور وړاندې كولو هدايت وكړو۔ ده ووئيل ديامر بھاشا ډېم سره نه يوازې دا چې په هېواد كښې به د اوبو د ذخيره كولو استعداد سوا شي بلكې دې سره به تربېله ډېم كښې د خاورې جمع كېدو مخنيوې هم وكړې شي او د دې په نتيجه كښې به د تربېله ډېم عمر 35 كاله زيات شي۔ ده ووئيل د خادم پاكستان په حېث به اولس ته دروغ نه وايم او نه به حقائق پټوم۔ وزیراعظم ووئيل په دې سيمه كښې د روغتيا آسانۍ نشته ٬ ما د پنجاب اعلی وزير په توګه ګلګت ته سكېنګ مشين عطيه كړې وو۔ ده چارواكو ته په سيمه كښې د روغتيا آسانيو رسنې له په نوؤ آلاتو او آسانيو د مشتمل روغتون جوړولو په اړه په يوه اونۍ كښې د رپورټ وړاندې كولو هدايت وكړو۔ دې نه وړاندې د واپډا چيئرمېن لېفټېننټ جنرل (ر) مزمل حسېن د منصوبې په اړه وزیراعظم ته بريفنګ وركړو۔ په دې موقعه شاهد خاقان عباسی، خواجه محمدآصف او د مسلم ليګ نون ويانده مريم اورنګزېب هم موجود وه۔ د واپډا چيئرمېن وزيراعظم ته ووئيل دا مهال د 2.6 ټریلین روپو لګښت سره د دیا میربھاشا، داسو او مهمند ډېم منصوبې ترسره كولې شي۔ ده ووئيل دا منصوبه د 8.1 ملین اېکړ فټ اوبو ذخيره كولو صلاحيت لري٬ دې سره به 1.23 ملین اېكړ زمكې ته د اوبو رسنه ممكن شي۔ دې منصوبې سره به د كال 18100 ګېګاواټ آورز برېښنا پېدا كېږي۔ دا منصوبه به په كال 2029 كښې ترسره شي۔ د دې د لارې به د روزګار 16500 موقعې رامخې ته شي۔ وروستو وزيراعظم د قراقرم هائی وے، 3 مېګاواټ تھک پاور پراجېکټ او چلاس کېډټ کالج منصوبو فضائي جاج واخست۔
د ديامر بھاشا ډېم ترسره كېدو سره به د ارزانې برېښنا سره سره د كركيلې پېداوار هم سوا شي٬ دا منصوبه په سباؤن كښې د پاكستان معيشت لپاره ډېره مهمه ده٬ وزيراعظم محمد شهباز شريف
مضمون کا ماخذ : سپر اسپنر
متعلقہ مضامین
