اسلام آباد 04 نومبر(اے پی پی)د اطلاعات او خپرونو وفاقي وزيرې مريم اورنګزېب وئېلي دي عمران خان د سكاټ لينډ يارډ پشمول چې چرته نه يې خوښه وي پلټنې دې وكړي٬زمونږ شرط يواځې دا دے چې عمران خان دې پخپله په پلټنو كښې شامل شي او ثبوت دې وركړي٬د پاكستان اولس ګډان او چيلۍ نه دي چې عمران خان به دروغ وائي او هغوي به ئې رېښتيا ګڼي٬هغه وخت تلے ۔د جمعې په ورځ پرېس كنفرنس ته د وېنا كولو په مهال دې ووئيل د عمران خان په لانګ مارچ كښې پرون د پیښې ټولو اتحادي ګوندونو غندنه كړی٬مونږ به د پاكستان سياسي مېدان خوني مېدان جوړولو ته ورنه كړو٬د پاكستان سياست د دا ډول پیښو متحمل كېدے نه شي۔دې ووئيل په پاكستان كښې سياست په وينه بهيولو نه شي كېدے ٬وزيراعظم شهباز شريف د ټولو نه وړاندې د عمران خان په لانګ مارچ د ډزو د پېښې غندنه كړې او د كورنيو چارو وزير ته يې سپارښتنه كړی چې د پیښې پلټنو له د پنجاب حكومت سره هر ممكن مرسته وكړي۔دې ووئيل د ډاكټر وېنا ده عمران خان څلور ډزه لګېدلے ٬د هغه د خپې هډوكے مات دے٬په دې خفګاني پېښه كښې هغه ژوبل شوے او د عمران خان نن يو آپرېشن هم شوے خو نن په ټي وي د عمران خان په ليدلو مې اطمينان وشو۔دې ووئيل عمران خان د شوكت خانم وسائل د خپل سياست لپاره دغسې استعمال كړي لكه څنګه چې هغه د فارن فنډنګ د لارې د مني لانډر په توكه د خيرات پيسه خپل سياست له كارولې۔مريم اورنګزېب ووئيل عمران خان په ناروغتيا كښې هم دروغ پرې نه ښودل او په دې ډرامه او دروغو خلق نادانه جوړول غواړي۔داسې نشي كېدے چې عمران خان دروغ اووئي او خلق هغه رېښتيا وګڼي هغه وخت اوس تلے دے۔دې ووئيل د عمران خان دا نظريه پاتې شوې چې دومره دروغ اووئي چې هغه رېښتيا ښكاره شي٬خپله قيصه د هغه ځاے نه نه شروع كوي چې كله په 2018 كښې د آر ټي اېس په بندولو هغه مسلط كړے شوے ؤ ٬ دې ووئېل عمران خان په خپلو څلورو كلونو كښې هېواد په معاشي توګه تباه كړے٬غريبانان لا غريب شوي٬ دوست هېوادونه مرور شوي٬د هغه په دور كښې د مافياز راج ؤ ٬د اوړو چينو٬برېښنا٬ګاز او د داروګانو ډاكې اچولې شوي۔عمران خان په خپله قيصه كښې د دغو خبرو ذكر نه كوي۔د اطلاعات او خپرونو وفاقي وزيرې ووئيل كه په سياست كښې چا سوداګري كړې نو هغه عمران خان دے٬عمران خان د ضميرنو سوداګانې كړې او په نورو يې تورونه لګولي۔دې ووئيل عمران خان وائي ماته معلومه وه چې په ما به قاتلانه بريد كېږي٬هغه كله وائي چې څلورو كسانو زما خلاف سازش كړے٬ بيا وائي چې نه درې كسان دي۔كه عمران خان ته معلومه وه چې د هغه په ضد د بريد سازش روان دے نو هغه د بې ګناه خلقو د ځانونو زيان ولې وكړو٬عمران خان ته كه معلومه وه نو هغه د پنجاب حكومت ته ولې نه وئېل۔ دې ووئېل د وژلې شوي معظم ماشومان د خپل پلار قاتل چرته ولټوي۔دې ووئيل په پرونۍ پېښه كښې 14 كسان ژوبل شوي٬ عمران خان 4 ډزه لګېدلے او آپرېشن هم شوے او په هوش كښې هم راغلے خو آيا د هغه سره ژوبل شوي نور 14 كسان هم په شوكت خانم كښې داخل دي؟آيا دغه خلق د خپل علاج لپاره خرڅونه لري٬وزيراعظم خو د دغې كسانو لپاره د مرستې اعلان كړے خو عمران خان د هغوي لپاره څه كړي۔ دې ووئېل آيا چا معلومه كړې چې هغه كسان په كوم روغتون كښې داخل دي٬عمران خان خو په خپل پرېس كنفرنس كښې د دغې كسانو ذكر قدرې ونه كړو۔دې ووئيل هغه په دريو كسانو الزام لګوي خو ثبوت نه وړاندې كوي۔دې ووئيل عمران خان وړاندې هم په شهباز شريف د كرپشن تورونه لګولي وو٬په رانا ثناﺀ الله يې د قتل تور لګولے ؤ او پرچه د هيئروئن پرې شوې وه خو بيا يو ثبوت هم وړاندې نه كړے شو۔دې ووئيل د پنجاب وزيراعلٰی د عمران خان د ګوند دے٬پوليس د پنجاب دي او دا پیښه هم په پنجاب كښې دننه شوې٬ملزم د پنجاب بوليس نيولے او د پنجاب پوليس د ملزم بيان رېكارډ كړے او مېډيا له ئې وركړے ۔د دې هر څه باوجود عمران خان وائي د دې پېښې تحقيقات تر هغه وخت نشي كېدے تر څو چې درې كسان استعفٰی ورنه كړي۔دې ووئيل د عمران خان د خلې نه د صحافت د آزادۍ خبرې ښې نه ښكاري٬د هغه په حكومت كښې صحافت يو تور دور ليدلے دے۔هغه په څلورو كلونو كښې په خبريالانو بندېزونه لګولې وو۔د خبريالانو پوښتۍ ماتې كړې شوي ٬مير شكيل الرحمان يې زندان ته اچولے۔د خبريالانو پروګرامونه يې بند كړي وو او نړيوالو ادارو عمران خان ته پريډېټر وئېلے ۔مريم اورنګزېب ووئيل عمران خان وائې زما سره په 6 مياشتو كښې چې څه شوي د هېواد په تاريخ كښې د چا سره نه دي۔عمران خان دې اووئي چې ستا په وړاندې ستا لور پوليس نيولې او ستا سره يې په زندان كشې اچولې ٬ آيا ستا زامن د مرګ د سزا په چكو كښې بند كړے شوي۔دې ووئيل عمران خان په دروغو وئېلو د خلقو عزتونه خرابوي۔هغه وائي چې زه به اولس نادانه كړم خو داسې بيخي نشي كېدے ٬ هغه وخت اوس تللے دے
عمران خان د سكاټ لينډ يارډ پشمول چې د چرته نه خوښه وي پلټنې دې وكړي٬زمونږ شرط يواځې دا دے چې عمران خان دې پخپله په پلټنو كښې شامل شي او ثبوت دې وركړي٬په پنجاب كښې حكومت د عمران خان دے او استعفٰی د شهباز شريف نه غواړي ؟مريم اورنګزېب
مضمون کا ماخذ : لاٹری ایپلی کیشنز کے فوائد
متعلقہ مضامین
