اسلام آباد 19 دسمبر(اے پی پی) د قامي اسمبلۍ سپيكر راجه پروېز اشرف په مشرۍ كښې په ګوجر خان كښې د پنجاب يونيورسټۍ كيمپس جوړولو په اړه غونډه شوې ۔په غونډه كښې د پلاننګ اينډ ډوېلپمنټ كمېشن سېكرټري٬د پلاننګ اينډ ډويلپمنټ كمېشن چيف او اړوندو چارواكو ګډون وكړو۔په غونډه كښې د پنجاب پوهنتون ګوجر خان ذيلي كيمپس جوړولو لپاره د فنډز اجرا او د دې په اړه په نورو چارو بحث وشو۔په دې موقع په خبرو كښې د قامي اسمبلۍ سپيكر راجه پروېز اشرف ووئيل تعليم په خاص توګه د اعلٰی تعليم د كومې هم ټولنې پرمختګ لپاره د ملا د تير حېثيت لري۔ده ووئيل د اعلٰی تعليم ودې ته موجوده حكومت پام لرنه كوي او دې مقصد لپاره اوسني بجټ كښې زيات فنډز بېل كړے شوے ۔ده په ګوجر خان كښې د پنجاب پوهنتون د ذيلي كيمپس جوړولو په اړه په خبرو كښې ووئيل د پنجاب يونيورسټي په ګوجر خان كښې ذيلي كيمپس جوړول د منطقې او اولس پخوانۍ غوښتنه ده٬د دې كيمپس سمدستي قيام لپاره دې په بېړني بنيادونو اقدامات وكړے شي ۔ده ووئيل د دې كيمپس جوړولو څخه به نه يواځې د ګوجر خان زده كوونكي مستفيد شي بلكې د كهارياں٬جهلم٬ميرپور٬چكوال٬ تحصيل مري او آزاد كشمير نورو لرو پرتو سيمو زده كوونكو ته به هم د اعلٰی تعليم ترلاسه كولو ښه موقع ترلاسه شي۔ده د پلاننك ډويژن سېكرټري ته د كيمپس جوړولو لپاره د فنډز سمدستي اجرا هدايت وكړو۔دغسې د پلاننګ ډويژن سېكرټري د قامي اسمبلۍ سپيكر راجه پروېز اشرف ته د پنجاب پوهنتون ګوجر خان كيمپس جوړولو په لړ كښې په شوي پېشرفت تفصيلي بريفنګ وركړو۔
د قامي اسمبلۍ سپيكر راجه پروېز اشرف په مشرۍ كښې د پنجاب يونيورسټۍ ګوجر خان كيمپس جوړولو په اړه غونډه
مضمون کا ماخذ : آن لائن لاٹری کے انعامات
متعلقہ مضامین
.jpg)
.jpg)
