اسلام آباد۔19جنوری(اے پی پی)وزيراعظم عمران خان وئېلي دي حكومت د سمال اينډ مېډيم سېكټر لپاره آسانۍ ارپېدا كوي٬وړوكې كاروبار لپاره پور وركړے كېږي٬په كاروبار كښې خنډان رامخې ته كوونكو محكمو او افسرانو په ضد به كاروائي كولې شي٬ريګولېشنز به آسانولې شي٬زمونږ د دريو كلونو محنت او د پالېسو اثرات تر نظره كېږي ٬د پاكستان برآمدات دا مهال په رېكارډ كچه دي ٬رېكارډ ټېكس جمع شوے ٬رېكارډ ترسيلات زر راغلي ٬د څلورو مهمو فصلونو رېكارډ پېداوار راغلے ٬د ګرانۍ چپه په ټوله نړۍ كښې راغلې۔د شورو په ورځ د نېشنل سمال اينډ مېډيم انټرپرائزر(اېس اېم اي)پالېسي 21-2020 اجرا په موقع دستورې ته د وېنا كولو په مهال وزيراعظم ووئيل خسرو بختيار او د هغه ډلې ته د دې پالېسۍ په اجرا مباركي وركوم٬هغوي د اېس اېم اي سېكټر لپاره په محنت سره كار كړے۔وزيراعظم ووئيل حكومت اېس اېم اي سېكټر ته اهميت وركوي او دې لپاره آسانۍ راپېدا كوي٬وړاندې كوم هم حكومت په دې اړه كار نه دے كړے٬دا تر ټولو زياته روزګار وركونكې څانګه ده او د دولت په پېداوار كښې د دې لويه برخه ده خو دومره نه ده چې څومره پكار وي۔وزيراعظم ووئيل وړاندې د اېس اېم ايز لپاره قرض نه ترلاسه كېدو ٬بېنكونو به يوازې لويې بزنس كوونكو ته قرض وركولېو خو اوس د وړوكې كاروبار لپاره هم د پور وركړه آسانه شوې۔وزيراعظم ووئيل په امريكا كښې د ټېكنالوجۍ انقلاب د ځوانانو نوې آئيډيا او د حكومت لخوا د هغوي د سرپرستۍ په سبب ممكنه شوې٬ځوانان لويې لويې خوبونه ويني او هغوي د څه كولو جذبه لري٬په هغوي كښې جنون وي كوم چې په زيات عمر كسانو كښې نه وي٬ ده ووئېل ځوانان رسك اخستے شي٬حكومت او ادارو له د هغوي مرسته پكار ده ۔وزيراعظم ووئيل ځوانانو د آئي ټي په سېكټر كښې ډېر كار كړے٬زمونږ د هېواد تر ټولو لويه برخه په ځوانانو مشتمل ده٬د هغوي صلاحيتونه په كارولو سره هېواد پرمختګ كولې شي٬هغوي ته به آسانۍ وركولې شي۔ده ووئيل په ښارونو كښې زمكې ګرانې وي او وړوكې بزنس مين سره د كاروبار پېل كولو لپاره زياته پیسه نه وي٬حكومت اوس په دې لړ كښې بشپړه مرسته كوي٬په آسانه ليز به كاروبار لپاره پلاټ وركولې شي او د سرې فيتې به خاتمه كولې شي۔وزيراعظم عمران خان ووئيل سنګاپور يو وړوكے هېواد دے خو د هغوي برآمدات زمونږ نه زيات دي٬نور هېوادونه كوم چې زمونږ نه په پرمختګ كښې ډېر وروستو وو اوس هغوي ډېر وړاندې تللي٬مونږ له د برآمدات زياتولو لپاره هڅې كول دي٬ ده ووئېل په هېواد كښې به د دولت پېداوار لپاره سمال اينډ مېډيم انډسټري ته بشپړه پام لرنه كولې شي۔وزيراعظم ووئيل په تېر وخت كښې كوم هم حكومت دومره چېلنجونو سره نه دې مخ شوے ٬زمونږ حكومت چې څنګه راغلو نو پاكستان ديواليه كېدو ته نزدې ؤ٬ دوست هېوادونو كه مرسته نه وه كړې نو مونږ ديواليه كېدلو او پاكستان يو لويې بدترين صورتحال سره مخ كېدو٬ ده ووئېل د حكومت معاشي پالېسو په نتيجه كښې صورتحال ښه شوے خو بيا د كووېډ 19 غوندې بحران راغلو٬په سلو كلونو كښې داسې بحران يو ځل راځي٬خو حكومت نه يوازې خپل خلق بلكې معيشت هم ساتلے ٬ ده ووئېل نن ټوله نړۍ زمونږ اعتراف كوي چې مونږ د كووېډ صورتحال مخنيوے په ښه ډول كړے
د وړوكې كاروبار لپاره د پور وركړه آسانه كړې شوې٬ د وزيراعظم عمران خان د نېشنل سمال اينډ مېډيم انټر پرائز پالېسۍ 21-2020 اجرا په موقع دستورې ته وېنا
مضمون کا ماخذ : تھور میگا ویز کی طاقت
متعلقہ مضامین
