اسلام آباد 18 دسمبر(اے پي پي) د كورنيو چار وفاقي وزير شېخ رشيد احمد اعلان كړے چې حکومت به هر ورګړي له وړومبنے شناختي كارډ ويړيا او په پنځلسو ورځو كښې وركوي٬ بهرنيو سفارت خانو كښې به د پاسپورټس او شناختي کارډ اجراء لپاره دفترې پرانستلې شي، پي ډي اېم به د سېنېټ په ټاكنو كښې برخه اخلي٬ كه مخالفه ډله استعفاګانې وركول غواړي نه تلوار دې وكړي، د سېنېټ ټاكنو نه پس كه عمران خان ته اكثريت ترلاسه شو نو د كرپټ لارښودو او مني لانډرنګ كوٶنكو به چغې واورې، كه استعفاګانې وركړې شوې نو ضمني ټاكنې به كوٶ۔ د جمعې په ورځ د نادرا هيډکوارټرز دورې نه پس ميډيا سره په خبرو كښې وفاقي وزير ووئيل نادرا حساس اداره ده كومه چې په ښه ډول خپل كار كوي٬ ما امر كړے چې د خالي او اتوار په ورځ د نادرا دفترې پرانستې وساتې٬ 50 نوې د نادرا سنټرې به 24 ساعته پرانستې وي٬ په هر تحصيل هيډکوارټرز كښې به د نادرا دفترې جوړولې شي۔ ده ووئيل حكومت پرېكړه كړې چې حکومت به هر ورګړي له وړومبنے شناختي كارډ ويړيا او په پنځلسو ورځو كښې وركوي۔ ده ووئيل نادرا د احساس پروګرام پشمول په بېلا بېلو فلاحي پروګرامونو كښې هم مهم كردار لري٬ نادار 677 رجسټرېشن سنټرز او 16 زره ملازمان لري٬ درې زره نزدې په کنټريکټ هم كار كوي ٬ د كنټرېكټ يو ملازم به نه فارغوٶ٬ د نادرا د ريکارډ له مخې په ګرد هېواد كښې 16 لكه د وسلې لائسنسونه وركړے شوي ۔ ده اعلان وكړو چې په هر سفارت او پاكستاني مشن كښې به د پاسپورټس او شناختي کارډ اجراء لپاره ه دفترې پرانستلې شي٬ په دې لړ كښې به خارجه وزارت څخه مرسته ترلاسه كولې شي۔ ده ووئيل زه د سمندر پورې پاكستانيانو د ستونزو نه خبر يم او په يوه دوو مياشتو كښې به د دوي په مسئلو حل كېدو كښې پېشرفت وشي۔ده ووئېل هڅه كوو چې د پاسپورټس ، آئي ډي کارډز اجراء پشمول د دوي مسئلې په يو چهت دننه حل شي۔ ده ووئيل دا مهال يوازې د نادرا لس دفتره 24 ساعته كار كوي ٬ دا شمېره به 50 ته رسوو ٬ دغسې د موبائل وېن شمېره به د 200 نه 300 ته رسوٶ چې د لرو پرتو سيمو اولس ته هم سهولتونه ترلاسه شي ۔ وفاقي وزير ووئيل جعلي شناختي کارډز يوه مهمه مسئله ده د دې حل لپاره به اقدامات كوٶ۔ د يوې پوښتنې په ځواب وفاقي وزير ووئيل ما ته ښكاري چې پي ډي اېم د سېنېټ الېكشن كښې برخه اخلي٬ كه مخالفه ډله په سېنېټ الېكشن كښې برخه نه اخلي او استعفاګانې وركوي نو په دې هيڅ فرق نه پرېوزي ۔ده ووئېل د فرورۍ 12مې نيټې نه پس د سېنېټ ټاكنې كېدې شي٬ طريقه کار به ئې څه وي دې لپاره به سپريم کورټ سره مراجعه كوٶ۔ مخالفې ډلې له بلنه وركوم كه اسلام آباد ته راځۍ نو اوس دې راشي په كومه ورځ چې عمران خان د سېنېټ په الېكشن كښئ اكثريت ترلاسه كړو د كرپټ او مني لانډرنګ كوٶنكو به چغې واورې ۔ د يوې پوښتې په ځواب ده ووئيل برتانيې سره د لوظنامې د نشتوالي په سبب نواز شريف او اسحاق ډار وطن ته نشوو راوستلے۔ ده ووئيل د پي ډي اېم لارښودو له د وباء فكر پكار دے او د اولس ژوند په خطر كښې اچول پكار نه دي خو كه اسلام آباد ته راتلل غواړۍ نو راځې دې ٬كه استعفاګانې وركول غواړۍ نو مونږ به د دوي په چوكو ضمني الېكشن وكړو
حکومت به هر ورګړي له وړومبنے شناختي كارډ ويړيا او په پنځلسو ورځو كښې وركوي
مضمون کا ماخذ : کمپیوٹر لاٹری کے نمبر
متعلقہ مضامین
