اسلام آباد 22 ستمبر (اے پی پی) د آزاد كشمير صدر سردار مسعود خان وئيلي دي علما او مشائخ د اسلامي ټولنې طاقت او پېژندګلي وي، دوي دې د كشمير آزادې په تحريك كښې هغه كردار ترسره كړے كوم ئې چې د پاكستان په تحريك كښې ترسره كړے ؤ ، په مقبوضه كشمير كښې چې كوم ظلم او بربريت كېږي ، په نړۍ كښې ئې مثال نه موندلے كېږي، هره ورځ ګڼ شمېر ځوانان قتل كېږي، د مئيندو، خوئېندو او ماشومانو انجونو عزت هم محفوظ نه دے. په ايوان صدر اسلام آباد كښې د صدر ډاكټر عارف علوي په مشرې كښې د پاكستان علماﺀ كونسل تر سيوري لاندې “اتحاد امه كنفرنس” ته خپله وېنا كښې د آزاد كشمير صدر سردار مسعود خان ووئيل هندوستان په كشمير كښې چې كوم جنګ پېل كړے، شايد مونږ ته به دا جنګ اوس په كراچې، لاهور، پېښور، كوئټه، آزاد كشمير او ګلګت بلتستان كښې هم كول وي ځٍكه چې د هندو توا پرچار كوونكي څرګنده دړكه كوي چې د هند په خوا او شا كښې به غېر هندو طاقتونه له مېنځه وړل وي. د آزاد كشمير صدر ووئيل هند چې كوم جنګ پېل كړے د هغې انجام ته رسولو لپاره به د ټولنې هرې يوې طبقې له خپل كردار ترسره كول وي.
هره ورځ ګڼ شمېر ځوانان قتل كېږي، د مئيندو، خوئېندو او ماشومانو انجونو عزت هم محفوظ نه دے. د آزاد كشمير صدر سردار مسعود خان ” اتحاد امه كنفرنس ” ته وېنا
مضمون کا ماخذ : لاٹری کے اعداد و شمار
متعلقہ مضامین
