اسلام آباد 01 ستمبر (اے پي پي) وزيراعظم عمران خان د اعليٰ تعليم ودې لپاره د روانو مهمو منصوبو په ترجيحي بنيادونو د بشپړولو٬ په پوهنتونونو كښې د لوړو زدكړو معيار باوري كولو او د وفاق لخوا وركړي وسائل په ښه ډول كارولو لپاره د نظام مرتب كولو امر كړے ۔ د شورو په ورځ د وزيراعظم عمران خان په مشرۍ كښې په هېواد كښې د لوړو زده كړو ودې چارو په اړه د جاج اغستو غونډه شوې۔په غونډه كښې وفاقي وزيرانو شفقت محمود، چوهدري فواد حسېن، اسد عمر، خاص مرستيال ډاکټر شهباز ګل، د منصوبه بندۍ كمېشن ډپټي چيئرمېن او نورو اړوند چارواكو ګډون وكړٶ۔ د وزيراعظم آفس ميډيا ونګ لخوا د جاري بيان له مخې غونډه خبر كړې شوه چې د مالي كال 22-2021 لپاره اېچ اي سي له په هېواد كښې د لوړو زده كړو ودې لپاره په 168 منصوبو عملدرآمد له 42 اربه روپۍ بېلې كړې شوي٬ په دې منصوبو كښې د 29 اربه روپو 128 روانې منصوبې او د 12 اربه روپو 40 نوې منصوبې شاملې دي۔ وزيراعظم اړوند چارواكو ته امر وكړٶ چې د اعليٰ تعليم ودې لپاره د روانو مهمو منصوبو په ترجيحي بنيادونو بشپړول باوري كړئ۔ وزيراعظم د هېواد وسائلو موثره استعمال باوري كولو په غرض د اېچ اي سي په اعانت د چلېدونكي سكالرشپس پروګرام د جاج اغستو هم امر وكړو۔ وزيراعظم په صوبو كښې د وفاقي حکومت په معاونت چلېدونكو بېلا بېلو پوهنتونونو كښې د اعلٰې معيار تعليم باوري كولو او د وفاق لخوا وركړي وسائل په ښه ډول كارولو لپاره د نظام مرتب كولو امر هم كړے۔ ده په تعليمي نظام كښې او د پوهنتونونو پحقله هم د جزا او سزا نظام معرفي كولو سپارښتنه وكړه دغسې چې د لوړو زده كرو ودې لپاره د حكومتي پاليسيو په موثره طريقه نفاذ باوري كړے شي۔ وزيراعظم د تکنيکي او وظيفائي تعليمي نظام ودې په ضرورت هم زور رواړو دغسې چې ځوانان د جديد دور تقاضو له مخې علم او هنر وركولو سره سره د موجوده موقعو څخه د استفادې كولو جوګه كړے شي
د وزيراعظم عمران خان په مشرۍ كښې په هېواد كښې د لوړو زده كړو ودې پحقله د جاج اغستو غونډه
مضمون کا ماخذ : لوٹومینیا
متعلقہ مضامین
